ગુજરાતી ગઝલ શે'ર

૧.
બગીચામાં મળવાનો મોકો મળ્યો,
તને પુષ્પ ધરવાનો મોકો મળ્યો.
- કૌશલ સુથાર
 ૨.
 જાતની આજે કરવી છે પરીક્ષા,
 એટલે દીવા બુઝાવી રહ્યો છું.
 - રાકેશ હાંસલિયા
૩.
વાતાવરણ વટલાય છે વરસાદમાં,
 બીજું કહો શું થાય છે વરસાદમાં?
- કૌશલ સુથાર
૪.
વીખરાયેલાં હવામાં ગુલાબો સહસ્ત્ર જો,
પહેરી પવન વહે છે પરિમલનાં વસ્ત્ર જો !
- હનીફ રાજા
૫.
સમય એવું કે' છે નવું કૈંક લાવો,
હવે વ્રુક્ષ નહીં દોસ્ત ! વરસાદ વાવો.
- જિગર જોશી 'પ્રેમ'
૬.

જેમ આખા આભને વાદળ મળે,
એમ આ એકાંતને કાગળ મળે.
- રાજીવ ભટ્ટ ' દક્ષરાજ '
૭.
 સીમ ભલેને આળસ મરડે
ભીંજાવું ના લેશ કબીરા.
- માવજી મહેશ્વરી
૮.
જો તિમિરનું શ્હેર ચક્કાજામ છે,
તારલાની ભવ્ય રેલી જોઉં છું.
- બેન્યાઝ ધ્રોલવી
૯.
 હજી ય આપણી વચ્ચે કશું બન્યું જ નથી
એ અણબનાવથી જોયાં કરું છું હું તમને !
- ભરત વિંઝુડા
૧૦. 
ફોન વરસો બાદ ઓચિંતો મળે ઘટના ગજબ , 
આમ વીતેલા વરસ, દિવસો ને ક્ષણ પાછાં મળ્યાં. 
- રાજેશ વ્યાસ 'મિસ્કિન' 
૧૧. 
મિશાલમાં મિશાલ બેમિસાલ એ તમે, તમે, તમે ! 
ખુદા જ બસ કરી શકે કમાલ એ તમે, તમે, તમે ! 
- 'બેજાન',બહાદરપુર 
૧૨. 
ચાર જણ આ, ઊંચકી ચાલ્યા મને, 
શ્વાસ છોડ્યો તોય ના ફુરસદ થઈ. 
- જગદિશ સાધુ 
૧૩. 
આંખની ભીતર અલગ એવોય રૂમ છે, 
જ્યાં ઘણાં ચહેરા તો વરસોથી જ ગુમ છે. 
- કૌશલ સુથાર 
૧૪. 
એટલે તો નિત મઝામાં હોઉં છું, 
રાત-દી' તારા નશામાં હોઉં છું. 
- સિકન્દર મુલતાની 
૧૫. 
એક પંખી ક્યારનું યે ગાય છે, 
ઝાડ આખું કેટલું છલકાય છે ? 
- તથાગત પટેલ